أوقات كتير بتشتكي أمهات من ولأدهم لأنهم بي قضوا حياتهم في اللعب والكمبيوتر وبس ويتحس أن أبنها ها يكبر ومش عنده ميول لأي حاجه ولما بنصحه بأي شئ مبيهمهوش كلامها ومبتبقاش عارفه الحل ممكن يكون أزاي
في الأول عايزين نتفق أن الأطفال بيقلده الأب والأم في كل حاجه سواء كانت سلبية أو إيجابية طيب ليه أحنا منعملش الحاجات اللي نفسنا ولادنا يعملوها وبكده الطفل هيقلدك في الحاجات الايجابية وعايزين نغير شويه سياسة النصايح لان الأطفال معظمهم تعبوا منها
طب نعمل إيه
· أول حاجه لازم ننمي القرايه عند الأطفال
هقولك أزاي
(1) خدي ابنك معاكي وأنتي رايحه المكتبة عشان يعرف إن القرايه دية حاجه مهمة عند كتير من الناس وده هيزود حماس الطفل علي القرايه
(2) وأنتي نازله تشتري كتب خالي ابنك يختار الكتب اللي هو حابب يقراها ويلاش تتريقي علي الكتب اللي اختارها وده هيساعدك انك تعرفي إيه ميوله وتقدري تنميها
(3) بعد كل كتاب أو قصة يخلها ابنك اهتمي دايما بأنك تناقشيه في
(4) الحاجات اللي قراها وبكده هتعلمي ابنك أزاي يدير حوار ويتقبل رأي الأخر
(5) مهم أوي انك تحفيزي ابنك علي القرايه مثلا بعد كل كتاب يخلصه اشتري له حاجه هو حببها وبكده هيحس انه أنجز
· تاني حاجه الرياضة
(1) الرياضة بتدي للجسم اللياقة والقوه والمرونة
(2) تساعد علي تقويه عضلات الجسم
(3) والرياضة بتساعد الأطفال علي التفوق الدراسي
· ثالث حاجه لازم تساعدي ابنك علي تحقيق هدفه
(1) اهتمي بمعرفه ميول ابنك وانه متخيل مستقبله أزاي ونفسه يشتغل إيه
مثلا الدكتور احمد زويل
كان حلم حياته انه يقي دكتور و مامته كتباله علي باب الاوضه عنده الدكتور احمد ومكنتش بتنديله الا يا دكتور عشان كده لقينا قدامنا الدكتور احمد زويل اللي العالم كله بيتكلم عن إنجازاته
حوالي دايما تحفيزي ابنك لان عامل التحفيز ده مهم أوي عند الإنسان سواء كان طفل أو شخص سنه كبير وابعدي دايما عن السخرية من أفكار ابنك لان بكده ممكن تموتي طموحاته بدون قصد
· رابع حاجه حوالي تقليلي ابنك في مشاهده التليفزيون
وده لان أشارت دراسة إن كل ساعة يشاهد فيها الأطفال تقبل سن المدرسة التليفزيون يوميا يتعرضون خلالها لإصابة بقصور في الانتباه مستقبلا بنسبه 10%
· خامس حاجه ساعدي ابنك علي حفظ القران الكريم
حاولي تنشطي مخ ابنك بحفظ القران الكريم وده لان القران يدعونا إلي التأمل والتفكر في خلق الله وده بتزود من إيمانا
وبعد ده كله لازم تعودي ابنك انه ينظم وقته من ناحية القران والقراه والمذاكرة والترفية والرياضة وعرفيه أهميه الوقت و أزاي يستغله وبكده تتلاشي مشاكل فتره المراهقة لان ابنك مش هيبقي فاضي
وانتظرونا
رانا زيدان
ليست هناك تعليقات:
إرسال تعليق